ياعينيّي ،لَطير إِتفقّدك يارجُوتي، بعدك زغير وعمرك وعمر العطر ما كفّو السني وشو الدّني، يَبني، وشو طَعمْ الدني نْما هبّجت وجّي بْإِيديك الحرير! شو الجرَس هـَ الحامل بْشارة العيد شو ألف عيد وألف قنّينة نبيد صوتك اليتْدحرج بقلبي وعَمِيضيع نازل عن التلّي بهـَ الوادي البعيد حامل بإيد الصبح وبْإِيد الربيع! وقبّوعتك يبني هلّي مْحَروَقا بالنّار، هـَ البيضا وكسراتا حُمر وشريطتا المفتّقا ومخزّقا لو شفتني كيف شِكلْ،‏