تْيابنا وعَ فجرنا بتلوُّحو عنقــــــودكن ومعـــــــــــــتّقين نْبيدكن بِجْرارنا وغيماتنا فَيّو فوق قرميدكن وياسمـــــينتكن عَ فسحة دارنا ورغيفنا مِنقمّرو، عَ صاجــــــكن وتحــــطّبو ويضحكلكن ريحانّا وطفلنا يْطعمي العشا لدجاجكن وبنتكن تسقي الهنا صيصانّا وبرموش عينينا نْلملم دمعكن وإنتو تْدفو عيونكن بخدودنا وزرعنا الأخضر ع ميّة نبــعكن وجدودكن اصاحب هِنْ وجْدودنا وعمنضّوي سْراجنا من زيتكن وشقّيقكن طالع حْوالا صْخورنا وشحرورنا مْعشّش بطاقة بيتكن وتكتَك حجلكن، جاوبو شحرورنا‏