رح حلفك بالغصن، يا عصفور، بالورق، بالفيّ، بالنَّبعات، بالزّيّح جناحك بريشة نور، بالمرجحك مع زرقة النسمات، وخلاّّ الدني بْلادك وطرّز عَ منقادك مِن فَرحة الياسمين، من ليالي الغاب، من ورد، من عنّاب أشعار وتْلاحين. بِتطير، يا عصفور، عَ كوخ من وِزّال، غويان، سقفو زهور، مفروش بالعنبر، وحَبّ النّدي الأخضر: دنيي ظلال ظلال. يا الكلّك مْودّي، شو قولتك بدّي، بدي معك وَدّي، وقلّك أنا وقلّك؟ الله يسهلّك.... بتقشع عريشي، وباب بيفيّتا مزوي، وحلوي بإيدا كتاب، سلّم على الحلوي. وِنْ هِدْيت رْياحك بتمرمغ جناحك عَ السطح، عَ الحيطان، عَ تياب مدريّى عَ البسط، عَ القمصان، عَ كل شي تخزّق عَ المقعد الأزرق عَ القمر السكران البيزكّرا فيّي. وَنْ كان ما في شي من حبّنا باقي، بِتْسكّت الساقي، يا طير وِبْتمشي. وبتغطّ تحملّي، يا مِن هَكِ التلّي، يا مِن هِداك الغاب، شي زكر، شي قشّي، ومن خرتشة ديْها ومن تحت إجريها، شي نَقدتين تراب.‏